18 ғинуарҙа  Халыҡ-ара Ҡар бабайҙар көнө билдәләнә. Ҡар бабай – ҡыштың, Яңы йыл байрамының иң билдәле символы. Ул балаларға  йәнһүрәттәрҙән, байрам открыткаларынан  Ҡыш бабайҙың ярҙамсыһы һәм дуҫы булараҡ билдәле.
102-се һанлы башҡорт балалар баҡсаһы тәрбиәләнеүселәре лә был үҙенсәлекле байрамдан ситтә ҡалманы. Ә епшек, йомшаҡ ҡарҙан Ҡар бабай эшләү – саф һауалағы уйындарҙың иң шәбе! Балалар тәрбиәселәр менән берлектә  Ҡар бабай әүәләнеләр, төрлө күңелле уйындар уйнанылар.